மாற்றத்துக்கான தொடக்கம் இந்த வெற்றி

இந்திய கேப்டன் ஹர்மன்பிரீத் கௌர்

- 

'பெரிய வெற்றிகள் எதையும் பெறாமல் மாற்றம் குறித்து பேச முடியாது. தற்போதைய இந்த உலகக் கோப்பை வெற்றி, மகளிர் கிரிக்கெட்டில் மாற்றத்துக்கான தொடக்கமாக இருக்கும்' என்று இந்திய கேப்டன் ஹர்மன்பிரீத் கௌர் கூறினார்.

இந்தியாவில் நடைபெற்ற 13-ஆவது மகளிர் உலகக் கோப்பை கிரிக்கெட் போட்டியில், கடந்த ஞாயிற்றுக்கிழமை விளையாடிய இறுதி ஆட்டத்தில் இந்தியா 52 ரன்கள் வித்தியாசத்தில் தென்னாப்பிரிக்க அணியை வீழ்த்தி, கோப்பை வென்றது.

இதன் மூலமாக, ஐசிசியின் உலகக் கோப்பை போட்டிகளில் முதல் முறையாக சாம்பியன் பட்டம் வென்று இந்திய மகளிர் அணி வரலாறு படைத்தது.

அந்த வெற்றி குறித்து அணியின் கேப்டன் ஹர்மன்பிரீத் கௌர் கூறியதாவது:

கிரிக்கெட்டை தங்களுக்கான எதிர்காலமாக இளம் இந்திய மகளிர் தேர்வு செய்வதற்கு ஆதரவாகவும், ஆடவர் கிரிக்கெட்டுக்கு இணையாக மகளிர் கிரிக்கெட்டும் மதிக்கப்பட வேண்டும் எனவும் நாம் பல காலமாக பேசி வருகிறோம்.