சபரிமலை, மாளிகைபுரம் கோயில்களின் புதிய மேல்சாந்திகள் தேர்வு

வருடாந்திர மண்டல-மகரவிளக்கு பூஜைகள் அடுத்த மாதம் தொடங்கவுள்ள நிலையில், சபரிமலை ஐயப்பன் மற்றும் மாளிகைபுரம் தேவி கோயில்களின் புதிய மேல்சாந்திகள் சனிக்கிழமை தேர்வு செய்யப்பட்டனர்.

- 

கேரளத்தின் பத்தனம்திட்டா மாவட்டத்தில் உள்ள பிரசித்தி பெற்ற சபரிமலை ஐயப்பன் கோயிலில் ஐப்பசி மாத (துலாம் மாதம்) பூஜைகளுக்காக கடந்த வெள்ளிக்கிழமை நடை திறக்கப்பட்டது.

சனிக்கிழமை காலையில் உஷ பூஜைக்குப் பிறகு பாரம்பரிய குலுக்கல் முறையில் புதிய மேல்சாந்திகள் தேர்வு நடைபெற்றது. திருவிதாங்கூர் தேவஸ்வம் வாரிய அதிகாரிகள் முன்னிலையில் பந்தளம் அரச குடும்பத்தைச் சேர்ந்த இரு குழந்தைகள் கலசத்தில் இருந்து பெயர் சீட்டுகளை எடுத்தனர்.