குன்னூரில் ஒரே வீட்டில் 79 வாக்காளர்கள்

குன்னூர் சட்டப் பேரவைத் தொகுதியில் ஒரே வீட்டில் 79 வாக்காளர்கள் இடம்பெற்றுள்ளது அதிர்ச்சியை ஏற்படுத்தியுள்ளது.

- 

உதகை, செப்.14:

நீலகிரி மாவட்டம், குன்னூர் சட்டப் பேரவைத் தொகுதிக்கு உள்பட்ட கோடேரி, மேல்கோடேரி, கோடேரி வேலி, ஆலடா வெலி ஆகிய கிராமங்களில் 300-க்கும் மேற்பட்ட குடும்பத்தினர் வசித்து வருகின்றனர். இந்நிலையில் கடந்த ஜனவரி 6-ஆம் தேதி வரைவு வாக்காளர் பட்டியல் வெளியிடப்பட்டது.

இதில் கோடேரி வாக்குச்சாவடி எண் 210-இல் உள்ள மேல் கோடேரி பகுதியில் கதவு எண் 11-இல் 79 வாக்காளர்களும், கதவு எண் 12-இல் 33 வாக்காளர்களும், கதவு எண் 9-இல் 14 வாக்காளர்களும், கதவு எண் 10-இல் 9 வாக்காளர்களும் உள்ளதாக வரைவு வாக்காளர் பட்டியல் மூலம் தெரியவந்தது.

வருகிற சட்டப் பேரவைத் தேர்தலை முன்னிட்டு அதிகாரி ஊராட்சி 12-ஆவது வார்டு உறுப்பினர் மனோகரன் அண்மையில் சரிபார்த்தபோது, இந்தக் குளறுபடி இருந்தது தெரியவந்தது.