நிசங்கா, மிஷரா அசத்தலில் இலங்கை வெற்றி

ஆசிய கோப்பை டி20 கிரிக்கெட் போட்டியின் 5-ஆவது ஆட்டத்தில் இலங்கை 6 விக்கெட்டுகள் வித்தியாசத்தில் வங்கதேசத்தை சனிக்கிழமை வீழ்த்தியது.

- 

அபுதாபி, செப். 13:

முதலில் வங்கதேசம் 20 ஓவர்களில் 5 விக்கெட்டுகள் இழப்புக்கு 139 ரன்கள் எடுக்க, இலங்கை 14.4 ஓவர்களில் 4 விக்கெட்டுகள் இழந்து 140 ரன்கள் சேர்த்து வெற்றி பெற்றது.

இந்த ஆட்டத்தில் டாஸ் வென்ற இலங்கை, ஃபீல்டிங்கை தேர்வு செய்தது. வங்கதேச இன்னிங்ஸில் தன்ஸித் ஹசன், பர்வேஸ் ஹுசைன் அடுத்தடுத்து முதலிரு ஓவர்களில் டக் அவுட் டாகினர். 3-ஆவது பேட்டராக வந்த கேப்டன் லிட்டன் தாஸ் சற்று நிலைக்க, தௌஹித் ஹிருதய் 8 ரன்களுக்கு ரன் அவுட் செய்யப்பட்டார்.