பிரதமர் மோடி நாளை மணிப்பூர் பயணம்

மணிப்பூருக்கு சனிக்கிழமை (செப்.13) செல்லவிருக்கும் பிரதமர் நரேந்திர மோடி, அங்கு ரூ.8,500 கோடியிலான வளர்ச்சித் திட்டங்களைத் தொடங்கிவைக்க உள்ளதாக அதிகாரிகள் தெரிவித்தனர்.

- 

இம்பால், செப். 11:

மணிப்பூரில் மைதேயி சமூகத்தினர், குகி பழங்குடியினர் இடையே கடந்த 2023-இல் மோதல்தொடங்கிய பிறகு அந்த மாநிலத்துக்கு பிரதமர் செல்லவிருப்பது இதுவே முதல் முறையாகும். இன மோதலில் இதுவரை 250-க்கும் மேற்பட்டோர் உயிரிழந்துவிட்டனர். வீடிழந்த ஆயிரக்கணக்கானோர் தொடர்ந்து நிவாரண முகாம்களிலேயே தங்கியுள்ளனர்.

மணிப்பூருக்கு பிரதமர் மோடி பயணம் மேற்கொண்டு, அமைதி நடவடிக்கைகளை விரைவுபடுத்த வேண்டும் என எதிர்க்கட்சிகள் தொடர்ந்து வலியுறுத்தி வந்த நிலையில், பிரதமரின் இந்த பயணம் முக்கியத்துவம் பெற்றுள்ளது.