ஜம்மு-காஷ்மீரின் குல்காமில் 2 பயங்கரவாதிகள் சுட்டுக் கொலை இரு ராணுவ வீரர்கள் வீரமரணம்

ஜம்மு-காஷ்மீரின் குல்காம் மாவட்டத்தில் திங்கள் கிழமை நடந்த துப்பாக்கிச் சண்டையில் இரண்டு பயங்கரவாதிகள் சுட்டுக் கொல்லப்பட்டனர்; இந்த மோதலில் இரு ராணுவ வீரர்கள் வீரமரணமடைந்தனர்.

- 

ஸ்ரீநகர், செப். 8:

குல்காமில் உள்ள குடார் வனப் பகுதியில் பயங்கரவாதிகள் பதுங்கியிருப்பதாகக் கிடைத்த ரகசிய தகவலின் பேரில், பாதுகாப்புப் படையினர் அங்கு தேடுதல் நடவடிக்கையைத் தொடங்கினர். அப்போது, பாதுகாப்புப் படையினரை நோக்கி பயங்கரவாதிகள் துப்பாக்கிச்சூடு நடத்தினர். இதையடுத்து, பாதுகாப்புப் படையினர் பதிலடி தாக்குதலில் ஈடுபட்டனர்.