பயங்கரவாத எதிர்ப்பில் இரட்டை நிலைப்பாடு

பயங்கரவாத எதிர்ப்பில் இரட்டை நிலைப்பாட்டை ஏற்க முடியாது என்று பாகிஸ்தானின் பெயரைக் குறிப்பிடாமல் பிரதமர் நரேந்திர மோடி கண்டனம் தெரிவித்தார்.

- 

தியான்ஜின், செப். 1: 'பயங்கரவாத எதிர்ப்பில் இரட்டை நிலைப்பாட்டை ஏற்க முடியாது' என்று பாகிஸ்தானின் பெயரைக் குறிப்பிடாமல் பிரதமர் நரேந்திர மோடி கண்டனம் தெரிவித்தார்.

மேலும், 'பயங்கரவாதம் என்பது தனி ஒரு நாட்டின் பாதுகாப்புக்கான அச்சுறுத்தல் மட்டுமல்ல; மாறாக, அது அனைத்து மனிதகுலத்துக்குமான சவால். எனவே, அதை எதிர்த்துப் போராடுவதில் ஒற்றுமை மிக முக்கியமானது' என்றும் அவர் வலியுறுத்தினார்.

சீனாவின் தியான்ஜின் நகரில் திங்கள்கிழமை நடைபெற்ற ஷாங்காய் ஒத்துழைப்பு அமைப்பின் (எஸ்சிஓ) வருடாந்திர உச்சி மாநாட்டில் பாகிஸ்தான் பிரதமர் ஷாபாஸ் ஷெரீஃப், சீன அதிபர் ஷி ஜின்பிங் மற்றும் பல்வேறு நாடுகளின் தலைவர்கள் மத்தியில் உரையாற்றும்போது, ஜம்மு-காஷ்மீரின் பஹல்காமில் அண்மையில் நடைபெற்ற பயங்கரவாதத் தாக்குதலைச் சுட்டிக்காட்டி இந்தக் கருத்தை பிரதமர் மோடி தெரிவித்தார்.