‘கன்னடத் தாய்’ குறித்த சர்ச்சை பேச்சு: எழுத்தாளர் பானு முஷ்தாக் விளக்கமளிக்க வேண்டும்

'கன்னடத்தாய்' குறித்து கடந்த 2023-இல் சர்வதேச புக்கர் பரிசு பெற்ற பானு முஷ்தாக் தெரிவித்திருந்த கருத்து குறித்து விளக்கம் அளிக்க வேண்டும் என மைசூரு பட்டத்து இளவரசரும் மைசூரு மக்களவைத் தொகுதி உறுப்பினருமான யதுவீர் கிருஷ்ணதத்த சாமராஜ உடையார் தெரிவித்தார்.

- 

மைசூரு, ஆக. 30:

மைசூரில் செப்.22 ஆம் தேதி தொடங்கும் தசரா திருவிழாவை கன்னட எழுத்தாளர் பானு முஷ்தாக் தொடங்கி வைப்பார் என கர்நாடக அரசு அறிவித்துள்ளது. இதற்கு பாஜக எதிர்ப்புத் தெரிவித்த நிலையில், அக்கட்சியைச் சேர்ந்த மைசூரு பட்டத்து இளவரசர் யதுவீர் கிருஷ்ணதத்த சாமராஜ உடையார் ஆதரவு தெரிவித்திருந்தார்.

இந்த நிலையில், தனது நிலையை மாற்றிக்கொண்ட யதுவீர், 2023-ஆம் ஆண்டு பானு முஷ்தாக் கன்னடத் தாய் குறித்து தெரிவித்திருந்த சர்ச்சைக்குரிய கருத்தை சுட்டிக்காட்டி, அது தொடர்பாக விளக்கமளிக்க வேண்டும் என்று வலியுறுத்தியுள்ளார்.