விவசாயிகளின் கோரிக்கைகளுக்கு முன்னுரிமை

அரசு அலுவலர்களுக்கு ஆட்சியர் அறிவுறுத்தல்

- 

தருமபுரி, ஆக. 28: விவசாயிகளின் கோரிக்கைகளுக்கு அரசு அலுவலர்கள் முன்னுரிமை அளிக்க வேண்டும் என விவசாயிகள் குறைதீர் கூட்டத்தில் ஆட்சியர் தெரிவித்தார்.

தருமபுரியில் விவசாயிகளுக்கான மாதாந்திர குறைதீர் கூட்டம் ஆட்சியர் ரெ.சதீஷ் தலைமையில் வியாழக்கிழமை நடைபெற்றது. கூட்டத்தில் விவசாயிகள், விவசாய சங்கங்களின் பிரதிநிதிகள் தரப்பில் முன்வைக்கப்பட்ட கோரிக்கைகள்:

தருமபுரியில் சிப்காட் தொழிற்பேட்டை அமைக்க நல்லம்பள்ளி வட்டத்தில் 924 ஏக்கர் மேய்ச்சல் தரை புறம்போக்கு நிலம் கையகப்படுத்தப்பட்டது. அதற்கு மாற்றாக முதல் கட்டமாக 200 ஏக்கர் நிலம் பென்னாகரம் வட்டம், பவளந்தூர் கிராமத்தில் ஒதுக்கப்பட்டுள்ளது. நல்லம்பள்ளி வட்டத்திலிருந்து சுமார் 50 கி.மீ தொலைவில் உள்ள அந்த நிலத்தில் கால்நடைகளை மேய்ச்சலுக்கு கொண்டு செல்வது சாத்தியமில்லை. எனவே, சுற்றுவட்டார பகுதிகளிலேயே மேய்ச்சல் நிலம் ஒதுக்க வேண்டும்.