போதைப் பொருள்கள் இல்லா தமிழகம் உறுதிமொழியேற்பு

தருமபுரி, கிருஷ்ணகிரியில்

- 

தருமபுரி, கிருஷ்ணகிரி, ஆக. 11: தருமபுரி, கிருஷ்ணகிரியில் போதைப் பொருள்கள் இல்லா தமிழகம் உறுதிமொழியேற்பு நிகழ்ச்சி திங்கள்கிழமை நடைபெற்றது.

போதைப் பொருள்கள் இல்லாத தமிழ்நாடு என்ற தலைப்பில் பெருந்திரள் உறுதிமொழியேற்பு நிகழ்ச்சி சென்னையிலிருந்து காணொலிக் காட்சி வாயிலாக துணை முதல்வர் உதயநிதி ஸ்டாலின் தொடங்கிவைத்தார். இதைத் தொடர்ந்து, தருமபுரி அரசு கலை, அறிவியல் கல்லூரி கலையரங்கில் ஒளிப்பரப்பப்பட்ட நிகழ்ச்சிக்கு ஆட்சியர் ரெ.சதீஷ் தலைமை வகித்தார்.

இதில், கல்லூரி மற்றும் பள்ளி மாணவ, மாணவியர் பங்கேற்று போதைப் பொருள்கள் ஒழிப்பு குறித்த உறுதிமொழியை ஏற்றுக்கொண்டனர்.