விழிப்புணர்வு இல்லாமல் உரிமைகளால் பயனில்லை

குடிமக்களுக்கு தங்களது உரிமைகளைப் பற்றிய விழிப்புணர்வு இல்லையென்றால் அந்த உரிமைகளால் எந்தப் பயனும் இல்லை என உச்சநீதிமன்ற தலைமை நீதிபதி பி.ஆர்.கவாய் தெரிவித்தார்.

- 

ஸ்ரீநகர், ஜூலை 27: 'குடிமக்களுக்கு தங்களது உரிமைகளைப் பற்றிய விழிப்புணர்வு இல்லையென்றால் அந்த உரிமைகளால் எந்தப் பயனும் இல்லை' என உச்சநீதிமன்ற தலைமை நீதிபதி பி.ஆர்.கவாய் தெரிவித்தார்.

ஸ்ரீநகரில் ஞாயிற்றுக்கிழமை நடைபெற்ற தேசிய சட்டப் பணிகள் ஆணையத்தின் வடக்கு மண்டல பிராந்திய மாநாட்டில் பி.ஆர்.கவாய் பங்கேற்றார்.

அப்போது அவர் பேசியதாவது: நாட்டில் உள்ள ஒவ்வொரு குடிமகனுக்கும் நீதி கிடைப்பதை நீதிபதிகளும் வழக்குரைஞர்களும் உறுதிசெய்ய வேண்டும். இதை நோக்கமாகக் கொண்டே தேசிய சட்டப் பணிகள் ஆணையம் செயல்பட்டு வருகிறது.