கார்த்தி சிதம்பரம் ஜாமீன் நிபந்தனைகளை தளர்த்த சிபிஐ எதிர்ப்பு

ஐஎன்எக்ஸ் மீடியா வழக்கில், முன்னாள் மத்திய அமைச்சர் ப.சிதம்பரத்தின் மகன் கார்த்தி சிதம்பரத்துக்கு ஜாமீன் நிபந்தனைகளை தளர்த்த சிபிஐ வெள்ளிக்கிழமை எதிர்ப்புத் தெரிவித்தது.

- 

புது தில்லி, ஜூலை 25:

கடந்த 2007-ஆம் ஆண்டு மத்திய நிதியமைச்சராக ப.சிதம்பரம் பதவி வகித்தபோது மொரீஷியஸை சேர்ந்த 3 நிறுவனங்கள், ஐஎன்எக்ஸ் மீடியா குழுமத்தில் ரூ.305 கோடி முதலீடு செய்வதற்கு அந்நிய முதலீடு மேம்பாட்டு வாரியத்தின் அனுமதி கிடைத்தது.

இந்த அனுமதி வழங்கப்பட்டதில் முறைகேடுகள் நிகழ்ந்ததாக குற்றச்சாட்டு எழுந்தது. இந்த அனுமதியை வழங்கியதன் மூலம் ப.சிதம்பரமும், கார்த்தி சிதம்பரமும் பலன் அடைந்ததாகக் கூறப்படுகிறது. இதுதொடர்பாக கடந்த 2017-இல் சிபிஐ வழக்குப் பதிவு செய்தது.