4 ஆண்டுகளில் விவசாயிகளுக்கு ரூ.53,340 கோடி பயிர் கடன்

தமிழகத்தில் கடந்த நான்கு ஆண்டுகளில் கூட்டுறவு அமைப்புகள் மூலம் விவசாயிகளுக்கு ரூ.53,340 கோடி பயிர் கடன் வழங்கப்பட்டுள்ளதாக மாநில அரசு தெரிவித்தது.

- 

சென்னை, ஜூலை 20:

இதுதொடர்பாக தமிழக அரசு சார்பில் வெளியிட்ட செய்திக் குறிப்பு: கூட்டுறவுத் துறை, ஏழை எளிய நலிந்த பிரிவு மக்களுக்கு நன்மைகளைச் செய்வதற்கு உருவான துறை. அந்த வகையில், கூட்டுறவு அமைப்புகள் மூலம் மக்களுக்குக் கடன் உதவிகளை திமுக அரசு வழங்கி வருகிறது.

மக்கள் சிரமப்பட நேரும் காலங்களில் கடன்களை ரத்து செய்தும் உதவுகிறது.

தேர்தல் வாக்குறுதியின்படி, கூட்டுறவு நிறுவனங்களில் 5 பவுன் உள்பட்டு பெறப்பட்ட நகை கடன்களை தள்ளுபடி செய்ய முதல்வர் ஆணையிட்டார்.

அதன்படி, 11.70 லட்சம் பயனாளிகளுக்கு ரூ.4,904 கோடி மதிப்பிலான கடன் தள்ளுபடி செய்யப்பட்டு அவர்கள் அடமானம் வைத்த நகைகளும் திருப்பி வழங்கப்பட்டுள்ளன.