மருத்துவப் பரிசோதனைக்கு வரமறுத்த பெண்: ஆம்புலன்ஸில் அழைத்துச்சென்ற மருத்துவக் குழு

கிருஷ்ணகிரி மாவட்டம், கெலமங்கலம் அருகே மருத்துவப் பரிசோதனைக்கு வரமறுத்த மலைக் கிராமத்தைச் சேர்ந்த கர்ப்பிணியின் உடல்நலனைக் கருத்தில்கொண்டு மருத்துவக் குழுவினர் ஆம்புலன்ஸ் மூலம் அவரை அழைத்துச்சென்று மருத்துவமனையில் அனுமதித்தனர்.

- 

ஒசூர், ஜூலை 19:

கெலமங்கலம் ஊராட்சி, பெட்டமுகிளாலம் கடமகுட்டை மலைக் கிராமத்தில் வெள்ளிக்கிழமை (ஜூலை 18) மருத்துவ முகாம் நடைபெற்றது. அப்போது, அக்கிராமத்தைச் சேர்ந்த மல்லி (41) என்பவர் 10 ஆவது முறையாக கர்ப்பமடைந்துள்ளதாக மருத்துவக் குழுவினருக்கு தகவல் கிடைத்தது.