1,996 முதுநிலை ஆசிரியர் பணியிடங்களை நிரப்ப செப்.28-இல் தேர்வு டிஆர்பி அறிவிப்பு

தமிழக அரசுப் பள்ளிகளில் காலியாக உள்ள 1,996 முதுநிலைப் பட்டதாரி ஆசிரியர் காலிப் பணியிடங்களை நிரப்புவதற்கான எழுத்துத் தேர்வு செப்.28-ஆம் தேதி முதல் நடைபெறும்.

- 

சென்னை, ஜூலை 10: இந்தத் தேர்வுக்கு ஆக.12-ஆம் தேதி வரை விண்ணப்பிக்கலாம் என ஆசிரியர் தேர்வு வாரியம் அறிவித்தது.

இதுதொடர்பாக ஆசிரியர் தேர்வு வாரியத்தின் (டிஆர்பி) தலைவர் எஸ்.ஜெயந்தி வியாழக்கிழமை வெளியிட்ட செய்திக் குறிப்பு: முதுநிலைப் பட்டதாரி ஆசிரியர், உடற்கல்வி இயக்குநர் (கிரேடு-1) ஆகிய பணியிடங்களை நேரடித் தேர்வு மூலம் நிரப்புவதற்கான அறிவிப்பு ஆசிரியர் தேர்வு வாரியத்தின் இணையதளத்தில் (www.trb.tn.gov.in) வெளியிடப்பட்டுள்ளது.