பாஜகவின் குரலாக எடப்பாடி பழனிசாமி

பாஜகவின் குரலாகவே பேசத் தொடங்கிவிட்டார் எதிர்க்கட்சித் தலைவர் எடப்பாடி பழனிசாமி என முதல்வர் மு.க.ஸ்டாலின் விமர்சித்தார்.

- 

திருவாரூர், ஜூலை 10: 'பாஜகவின் குரலாகவே பேசத் தொடங்கிவிட்டார் எதிர்க்கட்சித் தலைவர் எடப்பாடி பழனிசாமி என முதல்வர் மு.க.ஸ்டாலின் விமர்சித்தார்.

திருவாரூரில் வியாழக்கிழமை நடைபெற்ற அரசு நலத் திட்ட உதவிகள் வழங்கும் விழாவில், ரூ. 847 கோடியிலான புதிய திட்டப் பணிகளைத் தொடங்கி வைத்தும், முடிவுற்ற பணிகளைத் தொடங்கி வைத்தும், பயனாளி களுக்கு நலத்திட்ட உதவிகளை வழங்கியும் முதல்வர் மு.க. ஸ்டாலின் பேசியதாவது:

திருவாரூர் என்றாலே எல்லோர் மனதிலும் ஆழித்தேரும், மறைந்த தலைவர் மு. கருணாநிதி நினைவும்தான் வரும். 25 ஆண்டுகள் ஓடாத ஆழித்தேரை ஓட்டிக்காட்டியவர் கருணாநிதி. மேலும், திருவாரூர் மாவட்டத்தில், 1979-இல் திருவிக அரசுக் கல்லூரி, 2009-இல் மத்தியப் பல்கலைக்கழகம், 2010-இல் மருத்துவக் கல்லூரி, மன்னார்குடியில் பாமணி உரத்தொழிற்சாலை ஆகியவற்றை கொண்டு வந்தவர் கருணாநிதி.