சேலம் விமான நிலையம் தரம் உயர்வு

ஓராண்டில் 1.30 லட்சம் பயணிகளை கையாண்டு சாதனை

- ஜி. விஜயகுமார்

ஓமலூர், ஜூன் 24: தென்னிந்திய மெட்ரோ நகரங்களை சேலத்துடன் இணைக்கும் சேலம் விமான நிலையம் கடந்த ஓராண்டில் 1.30 லட்சம் பயணிகளை கையாண்டு சாதனை படைத்துள்ளது.

சேலம்-பெங்களூரு தேசிய நெடுஞ்சாலையில் காமலாபுரம் கிராமத்தில் சேலம் விமான நிலையம் உள்ளது. கடந்த 1993 ஆம் ஆண்டு தொடங்கப்பட்டாலும், 1997 மற்றும் 2009 ஆம் ஆண்டுகளில் விமான சேவை தொடங்கப்பட்டு சில மாதங்களிலேயே நிறுத்தப்பட்டது.

9 ஆண்டுகள் கழித்து 2018ஆம் தொடங்கிய விமான சேவை 2021இல் மீண்டும் முடிவுக்கு வந்தது.

இந்நிலையில், சேலத்தில் இருந்து விமான சேவையைத் தொடங்க வேண்டும் என்ற கோரிக்கையின் அடிப்படையில் உதான்-5 திட்டத்தின் கீழ் 2023ஆம் ஆண்டு முதல் விமான சேவை தொடங்கப்பட்டு தொடர்ந்து நடைபெற்று வருகிறது.