சிரியா தேவாலயத்தில் ஐஎஸ் தாக்குதல்: 25 பேர் உயிரிழப்பு

சிரியாவிலுள்ள கிறிஸ்தவ தேவாலயமொன்றில் இஸ்லாமிய தேச அமைப்பை (ஐஎஸ்) சேர்ந்த பயங்கரவாதி நடத்திய தற்கொலைத் தாக்குதலில் 25 பேர் உயிரிழந்தனர்.

- 

வேயிலா (சிரியா), ஜூன் 23:

இது குறித்து அந்த நாட்டு சுகாதாரத் துறை அமைச்சகத்தை மேற்கோள் காட்டி அரசுக்குச் சொந்தமான சனா செய்தி நிறுவனம் கூறியதாவது:

தலைநகர் டமாஸ்கஸின் புறநகர்ப் பகுதியான வேயிலாவில் புனித எலியாஸ் தேவாலயம் செயல்பட்டு வருகிறது. அந்த தேவாலயத்தில் சிறப்பு பிரார்த்தனை நடைபெற்றுக் கொண்டிருந்தபோது அங்கு வந்த ஐஎஸ் பயங்கரவாதி, அங்கிருந்தவர்களை நோக்கி துப்பாக்கியால் சுட்டார். அத்துடன், தனது உடலில் மறைத்து வைத்திருந்த வெடிகுண்டை அவர் வெடிக்கச் செய்தார். இதில் 25 பேர் உயிரிழந்தனர்; 63 பேர் காயமடைந்தனர் என்று சனா செய்தி நிறுவனம் தெரிவித்தது.