கையறு நிலையில் உலகம்!

இஸ்ரேலுக்கு ஆதரவாக ஈரான் மீது அமெரிக்கா நேரடியாகத் தாக்குதல் நடத்துவது குறித்து இரண்டு வாரங்களில் முடிவெடுக்கப்படும் என அதிபர் டொனால்ட் டிரம்ப் அறிவித்திருந்தார்.

- 

அந்த அறிவிப்பு வெளியான மறுநாளே ஈரானின் மூன்று அணுசக்தி தளங்களை குறிவைத்து குண்டுவீச்சு தாக்குதலை நடத்தியிருக்கிறது அமெரிக்கா.

ஃபோர்டோவில் நிலத்துக்கு அடியில் உள்ள அணுசக்தி தளத்தின் மீது 'பங்கர் பஸ்டர்' வகை குண்டுகள் மூலமும், மற்ற இரண்டு அணுசக்தி தளங்கள் மீது 30 டொமாஹாக் ஏவுகணைகள் மூலமும் தாக்குதல் நடத்தியதாக அமெரிக்கா அறிவித்திருக்கிறது. பங்கர் பஸ்டர் வகை குண்டுகளைச் சுமந்து செல்லும் பி-2 போர் விமானங்கள் மிஸோரி மாகாணத்தில் உள்ள விமானப் படைத் தளத்திலிருந்து பசிபிக் தீவான குவாமுக்கு கொண்டுசெல்லப்பட்ட போதே, ஈரான் மீதான தாக்குதலுக்கு அமெரிக்கா தயாராகி வருவது உறுதியானது. இப்போது அந்தத் தாக்குதல் நடந்தேவிட்டது.

அணுசக்தி திட்டம் தொடர்பாக ஈரானை பேச்சுவார்த்தைக்கு உடன்பட வைக்க ஒருபுறம் முயற்சிகள் நடைபெற்றுக்கொண்டிருக்கும்போதே அமெரிக்கா நடத்தியிருக்கிற இந்தத் தாக்குதல், அணுசக்தி பேச்சுவார்த்தையின் மீது வீசப்பட்ட குண்டு என்றுதான் சொல்ல வேண்டும்.