சிறப்பு தொகுப்புத் திட்டத்தில் பயன்பெற விவசாயிகளுக்கு அழைப்பு

கிருஷ்ணகிரி மாவட்டம், சூளகிரி வட்டாரத்தில் 2025-26 ஆம் ஆண்டில் மாநில வேளாண் வளர்ச்சி திட்டத்தின் கீழ் கார், குறுவை, சொர்ணவாரி பருவத்தில் நெல் சாகுபடி சிறப்பு தொகுப்புத் திட்டம் செயல்பட உள்ளது.

- 

ஒசூர், ஜூன் 18: இத்திட்டத்தின் வாயிலாக விவசாயிகளுக்கு நெல் இயந்திர நடவு மானியம், தரமான சான்று பெற்ற நெல் விதைகள், உயிர்உரங்கள் மற்றும் நுண்ணூட்டக் கலவை ஆகியவை மானியத்தில் வழங்கப்படுகிறது.

இதுகுறித்து வேளாண்மை உதவி இயக்குநர் செ.பன்னீர்செல்வம் தெரிவித்துள்ள செய்திக்குறிப்பில் கூறியுள்ளதாவது:

இத்திட்டத்தில் இயந்திர நடவு முறையில் நெல் நடவு மேற்கொள்ளும் விவசாயிகளுக்கு 1 ஏக்கருக்கு ரூ. 4,000 பின்னேற்பு மானியம் வழங்கப்படுகிறது.