முல்லைப் பெரியாறு அணையில் பாதுகாப்பு ஆணைய துணைக் குழு ஆய்வு

முல்லைப் பெரியாறு அணையிலுள்ள பேபி அணையை செவ்வாய்க்கிழமை ஆய்வு செய்த தேசிய அணைகள் பாதுகாப்பு ஆணையத்தின் தென் மண்டல இயக்குநர் ஆர். கிரிதர். உடன் தமிழகம்-கேரள நீர்ப்பாசனத் துறை அதிகாரிகள்.

- 

உத்தமபாளையம், ஜூன் 3: முல்லைப் பெரியாறு அணையில் தேசிய அணைகள் பாதுகாப்பு ஆணையத்தின் தென் மண்டல இயக்குநர் தலைமையிலான துணை மேற்பார்வைக் குழுவினர் செவ்வாய்க்கிழமை ஆய்வு செய்தனர்.

முல்லைப் பெரியாறு அணையைக் கண்காணிக்க உச்சநீதிமன்ற உத்தரவின்படி, மத்திய நீர்வளத் துறை, தேசிய அணைகள் பாதுகாப்பு ஆணையத் தலைவர் அனில் ஜெயின் தலைமையில் 7 பேர் கொண்ட குழு அமைக்கப்பட்டது. இந்தக் குழுவினர் கடந்த மார்ச் 22-ஆம் தேதி முல்லைப் பெரியாறு அணையின் பல்வேறு இடங்களில் ஆய்வு செய்தனர். தற்போது, தென்மேற்குப் பருவமழை தொடங்கிய நிலையில், தேசிய அணைகள் பாதுகாப்பு ஆணையத்தின் துணை மேற்பார்வைக் குழுவினர் செவ்வாய்க்கிழமை முதல்முறையாக முல்லைப் பெரியாறு அணையில் ஆய்வு செய்தனர்.