தருமபுரி, கிருஷ்ணகிரி மாவட்டங்களில் கருணாநிதி பிறந்த நாள் விழா

தருமபுரி, கிருஷ்ணகிரி மாவட்டங்களில் முன்னாள் முதல்வர் மு.கருணாநிதி பிறந்த நாள் விழா செவ்வாய்க்கிழமை கொண்டாடப்பட்டது.

- 

தருமபுரி, ஒசூர், ஜூன் 3:

தருமபுரி கிழக்கு மாவட்ட திமுக சார்பில் கட்சி அலுவலகத்தில் நடைபெற்ற விழாவுக்கு திமுக கிழக்கு மாவட்ட பொறுப்பாளரும், மக்களவை உறுப்பினருமான ஆ.மணி தலைமை வகித்து மு.கருணாநிதி உருவப்படத்துக்கு மாலை அணிவித்து மரியாதை செலுத்தினார்.

அதைத் தொடர்ந்து முன்னாள் சட்டப் பேரவை உறுப்பினர் தடங்கம் பெ.சுப்ரமணி, நகர் செயலாளர் நாட்டான் மாது, பொருளாளர் தங்கமணி உள்ளிட்டோர் மலர்தூவி மரியாதை செலுத்தினர். இதையடுத்து கட்சி நிர்வாகிகள், பொதுமக்களுக்கு இனிப்புகள் வழங்கப்பட்டன.

இதேபோல தருமபுரி உழவர் சந்தையில், காய்கறிகள் நுகர்வோர் மற்றும் பொதுமக்களுக்கு முன்னாள் முதல்வர் கருணாநிதி பிறந்தநாளையொட்டி இனிப்புகள் வழங்கப்பட்டன. பேருந்து நிலையம், ராஜகோபால் பூங்கா, காந்தி சிலை, அரசு மருத்துவக் கல்லூரி மருத்துவமனை உள்ளிட்ட நகரின் பல்வேறு பகுதிகளில் முன்னாள் முதல்வர் கருணாநிதி பிறந்த நாள் விழா கொண்டாடப்பட்டது. நகர்மன்ற உறுப்பினர்கள், அணிகளின் அமைப்பாளர்கள், துணை அமைப்பாளர்கள், நிர்வாகிகள் பங்கேற்று தொண்டர்கள், பொதுமக்களுக்கு இனிப்புகளை வழங்கினர்.

அதியமான்கோட்டை, நல்லம்பள்ளி, பாளையம்புதூர், இண்டூர், பாலக்கோடு, காரிமங்கலம், மாரண்டஅள்ளி உள்ளிட்ட மாவட்டத்தின் பல்வேறு பகுதிகளில் திமுக சார்பில் முன்னாள் முதல்வர் மு.கருணாநிதி பிறந்த நாள் விழா கொண்டாடப்பட்டது.

அரூர்

தருமபுரி திமுக மேற்கு மாவட்டம் சார்பில் அரூரில் நடைபெற்ற முன்னாள் முதல்வர் மு.கருணாநிதியின் 102 ஆவது பிறந்த நாள் விழாவுக்கு முன்னாள் அமைச்சரும், மேற்கு மாவட்டச் செயலாளருமான பி.பழனியப்பன் தலைமை வகித்தார்.

அரூர் கச்சேரிமேடு சாலை சந்திப்பில் மு.கருணாநிதியின் உருவப்படத்துக்கு திமுகவினர் மலர் தூவி மரியாதை செலுத்தினர். தொடர்ந்து பட்டாசுகளை வெடித்தும் பொதுமக்களுக்கு இனிப்புகளை வழங்கினர். அரூர் நகர் செயலர் முல்லை ரவி, மூத்த நிர்வாகிகள் எஸ்.ராஜேந்திரன், அ.சத்தியமூர்த்தி, சி.கிருஷ்ணகுமார், இரா.சித்தார்த்தன், சென்னகிருஷ்ணன், மோகன், ஒன்றிய பொறுப்பாளர்கள் ஆர்.வேடம்மாள், கோ.சந்திரமோகன், வே.செளந்தரராசு, சி.தென்னரசு, எஸ்.சரவணன், தலைமை பேச்சாளர் ப.செந்தாமரைக்கண்ணன், தகவல் தொழில்நுட்ப அணி மாவட்ட ஒருங்கிணைப்பாளர் கு.தமிழழகன் உள்ளிட்டோர் கலந்துகொண்டனர்.

ஒசூர்