பயங்கரவாத 'விஷபாம்பு' மீண்டும் தலைதூக்கினால் நசுக்கப்படும்

பாகிஸ்தானுக்கு பிரதமர் மோடி எச்சரிக்கை

- 

கராகட், மே 30: பயங்கரவாதம் விஷபாம்பு போன்றது; அது மீண்டும் தலைதூக்கினால், குழியில் இருந்து வெளியே இழுக்கப்பட்டு, காலால் நசுக்கப்படும் என்று பிரதமர் நரேந்திர மோடி எச்சரித்தார்.

'பயங்கரவாதத்துக்கு எதிரான போர் முடிவடையவோ, நிறுத்தப்படவோ இல்லை' என்றும் அவர் குறிப்பிட்டார்.

அமெரிக்க அதிபரின் அழுத்தத்தால் பாகிஸ்தான் உடனான ராணுவ மோதலை இந்தியா நிறுத்தியதாக எதிர்க்கட்சிகள் விமர்சித்துவரும் நிலையில், பிரதமரின் கருத்து முக்கியத்துவம் பெற்றுள்ளது.

பிகாருக்கு இரண்டு நாள் பயணமாக வியாழக்கிழமை வந்த பிரதமர் மோடி, கராகட்டில் வெள்ளிக்கிழமை நடைபெற்ற நிகழ்ச்சியில் மொத்தம் ரூ.48,520 கோடி மதிப்பில் பணி நிறைவடைந்த பல்வேறு வளர்ச்சித் திட்டங்களைத் தொடங்கிவைத்ததுடன், புதிய திட்டங்களுக்கும் அடிக்கல் நாட்டினார். பின்னர், அவர் பேசியதாவது: