இந்திய வெறுப்பே பாகிஸ்தானின் ஒரே நோக்கம்

'நமது நாடு வறுமையை ஒழித்து, பொருளாதார வளர்ச்சி அடைய இலக்குகளைக் கொண்டுள்ள நிலையில், இந்தியாவை வெறுப்பதும் அதற்கு தீங்கு விளைவிக்கும் வழிகளைப் பற்றி சிந்திப்பதும் மட்டுமே பாகிஸ்தானின் ஒரே நோக்கம்' என்று பிரதமர் நரேந்திர மோடி திங்கள்கிழமை கூறினார்.

- 

தாஹோத், வதோதரா, மே 26:

பிரதமர் நரேந்திர மோடி தனது சொந்த மாநிலமான குஜராத் துக்கு 2 நாள் சுற்றுப்பயணம் மேற்கொண்டுள்ளார். இந்தப் பயணத்தில் மாநிலத்தின் தாஹோத், புஜ் மற்றும் காந்தி நகரில் நடைபெறும் பொது நிகழ்ச்சிகளில் பங்கேற்று, ரூ.82,950 கோடி மதிப்பீட்டிலான வளர்ச்சி, நலத் திட்டங்களைப் பிரதமர் மோடி அடிக்கல் நாட்டியும், தொடங்கியும் வைக்கிறார்.

வாகனப் பேரணி: இதை யொட்டி, தில்லியில் இருந்து தனி விமானத்தில் வதோதரா விமான நிலையத்துக்கு பிரதமர் மோடி திங்கள்கிழமை வந்தடைந்தார். அங்கிருந்து வதோதரா புறநகரில் உள்ள விமானப் படை நிலையம் வரை வாகனப் பேரணியில் அவர் பங்கேற்றார்.