எல்லையில் பாகிஸ்தான் ராணுவம் 2-ஆவது நாளாக துப்பாக்கிச்சூடு

எல்லையோர கிராமங்களில் அறுவடை

- 

ஸ்ரீநகர்/புது தில்லி, ஏப். 26: ஜம்மு-காஷ்மீரின் எல்லைக் கட்டுப்பாட்டுக் கோடு நெடுகிலும் இந்திய ராணுவ நிலைகளை நோக்கி பாகிஸ்தான் ராணுவம் 2-ஆவது நாளாக வெள்ளிக்கிழமை இரவில் அத்துமீறி துப்பாக்கிச்சூடு நடத்தியது. இதற்கு இந்திய ராணுவத் தரப்பில் தக்க பதிலடி தரப்பட்டது.

பஹல்காமில் 26 பேர் கொல்லப்பட்ட பயங்கரவாதத் தாக்குதலால், இரு நாடுகளுக்கும் இடையே பதற்றம் அதிகரித்துவரும் சூழலில், எல்லையில் துப்பாக்கிச்சூடு நடந்துள்ளது. இந்திய தரப்பில் உயிரிழப்போ, யாருக்கும் காயமோ ஏற்படவில்லை என்று தகவலறிந்த வட்டாரங்கள் தெரிவித்தன.

ஜம்மு-காஷ்மீரின் பஹல்காம் அருகே உள்ள பைசாரன் பள்ளத்தாக்கில் சுற்றுலாப் பயணிகள் மீது பயங்கரவாதிகள் கடந்த செவ்வாய்க்கிழமை துப்பாக்கியால் சுட்டுத் தாக்குதலில் ஈடுபட்டனர். இதில் ஒரு வெளிநாட்டவர் உள்பட 26 பேர் கொல்லப்பட்டனர்.