அமைச்சர் துரைமுருகன் மீதான மற்றொரு வழக்கை 6 மாதங்களுக்குள் முடிக்க உத்தரவு

வருமானத்துக்கு அதிகமாக ரூ. 1.40 கோடி சொத்து சேர்த்தது தொடர்பான மற்றொரு வழக்கில் அமைச்சர் துரைமுருகன் மற்றும் அவரது மனைவியை விடுவித்த உத்தரவை ரத்து செய்த சென்னை உயர்நீதிமன்றம், அந்த வழக்கை 6 மாதங்களுக்குள் முடிக்குமாறு வேலூர் சிறப்பு நீதிமன்றத்துக்கு உத்தரவிட்டுள்ளது.

- 

சென்னை, ஏப். 24: வருமானத்துக்கு அதிகமாக ரூ. 1.40 கோடி சொத்து சேர்த்தது தொடர்பான மற்றொரு வழக்கில் அமைச்சர் துரைமுருகன் மற்றும் அவரது மனைவியை விடுவித்த உத்தரவை ரத்து செய்த சென்னை உயர்நீதிமன்றம், அந்த வழக்கை 6 மாதங்களுக்குள் முடிக்குமாறு வேலூர் சிறப்பு நீதிமன்றத்துக்கு உத்தரவிட்டுள்ளது.

கடந்த 1996 முதல் 2001 காலகட்டத்தில் பொதுப்பணித் துறை அமைச்சராகப் பதவி வகித்த துரைமுருகன் மற்றும் அவரது குடும்பத்தினர் மீது வருமானத்துக்கு அதிகமாக ரூ.3.91 கோடி சொத்து சேர்த்ததாக தொடரப்பட்ட வழக்கில் இருந்து அவர்களை விடுவித்து வேலூர் நீதிமன்றம் 2007-இல் உத்தரவிட்டது.