IPL சூப்பர் ஓவரில் ராஜஸ்தானை வீழ்த்தியது டெல்லி

ஐபிஎல் கிரிக்கெட்டில் டெல்லி கேப்பிட்டல்ஸ் - ராஜஸ்தான் ராயல்ஸ் அணிகள் புதன்கிழமை மோதிய ஆட்டம் 'டை' ஆனது. சூப்பர் ஓவரில் டெல்லி வென்றது.

- 

புது தில்லி, ஏப். 16: நடப்பு சீசனில் ஒரு ஆட்டத்தில் சூப்பர் ஓவர் மூலம் முடிவு எட்டப்பட்டது இதுவே முதல் முறையாகும்.

இந்த ஆட்டத்தில் முதலில் டெல்லி 20 ஓவர்களில் 5 விக்கெட்டுகள் இழப்புக்கு 188 ரன்கள் சேர்க்க, ராஜஸ்தான் 20 ஓவர்களில் 4 விக்கெட்டுகள் இழப்புக்கு 188 ரன்கள் எடுக்க, ஆட்டம் 'டை' ஆனது.

பின்னர் சூப்பர் ஓவரில் முதலில் ராஜஸ்தான் 11 ரன்கள் சேர்க்க, டெல்லி 13 ரன்கள் எடுத்து வெற்றி பெற்றது.

ஐபிஎல் வரலாற்றில் ஒரு ஆட்டம் டை ஆவது இது 15-ஆவது முறையாகும். கடந்த 2022-க்குப் பிறகு ஒரு ஆட்டம் டை ஆனது இதுவே முதல் முறை.

முன்னதாக டாஸ் வென்ற ராஜஸ்தான், பந்துவீசத் தயாரானது. டெல்லி இன்னிங்ஸில் அபிஷேக் பொரெல் அதிரடி காட்ட, ஜேக் ஃப்ரேசர் மெக்கர்க் 2 பவுண்டரிகளுடன் 9 ரன்களுக்கு சாய்க்கப்பட்டார்.

ஒன் டவுனாக வந்த கருண் நாயர் டக் அவுட்டாக, 4-ஆவது பேட்டர் கே.எல்.ராகுல், பொரெலுடன் இணைந்தார்.