பழங்குடியினருக்கான 1,000 குடியிருப்புகள்

முதல்வர் மு.க.ஸ்டாலின் திறந்துவைத்தார்

- 

சென்னை, ஏப். 14: பழங்குடியினருக்கான 1,000 குடியிருப்புகளை முதல்வர் மு.க.ஸ்டாலின் திறந்து வைத்தார்.

இதுகுறித்து, தமிழக அரசு சார்பில் வெளியிடப்பட்ட செய்திக் குறிப்பு: அம்பேத்கரின் 135-ஆவது பிறந்த தினத்தையொட்டி, தமிழ்நாடு அரசின் சார்பில் சமத்துவ நாள் விழா திங்கள்கிழமை கொண்டாடப்பட்டது.

சென்னை கலைவாணர் அரங்கத்தில் நடந்த நிகழ்வின் போது, ஆதி திராவிட, பழங்குடியின மக்களுக்கான பல்வேறு நலத் திட்டங்களை முதல்வர் மு.க.ஸ்டாலின் தொடங்கி வைத்தார்.

அதன்படி, செங்கல்பட்டு, கள்ளக்குறிச்சி ஆகிய இடங்களில் பழங்குடியின மாணவ, மாணவியருக்கான விடுதிக் கட்டடங்கள் கட்டி முடிக்கப்பட்டுள்ளன.

மேலும், செங்கல்பட்டு, திருவள்ளூர், காஞ்சிபுரம், வேலூர், திருப்பத்தூர், கிருஷ்ணகிரி, திருவண்ணாமலை, ராணிப்பேட்டை, கள்ளக்குறிச்சி, கோயம்புத்தூர், திருச்சி, பெரம்பலூர், கரூர், தஞ்சாவூர், திருநெல்வேலி, விருதுநகர் ஆகிய மாவட்டங்களில் ஆதிதிராவிடர் நலப் பள்ளிகளுக்கு கட்டடங்கள் கட்டப்பட்டுள்ளன.