ஹிந்தி, சம்ஸ்கிருதத்தை திணிக்கவே மும்மொழித் திட்டம்

ஹிந்தி மற்றும் சம்ஸ்கிருதத்தை திணிக்கவே மும்மொழித் திட்டத்தை ஆளுநர் ஆர்.என்.ரவி வலியுறுத்துவதாக முதல்வரும் திமுக தலைவருமான மு.க.ஸ்டாலின் கண்டனம் தெரிவித்துள்ளார்.

- 

சென்னை, மார்ச் 3:

ஹிந்தி மொழி திணிப்பு தொடர்பாக ஆறாவது நாளாக கட்சியினருக்கு அவர் எழுதியுள்ள கடிதம்: எந்த மொழி மீதும் தமிழர்களுக்கும், தமிழ்நாட்டுக்கும் தனிப்பட்ட வெறுப்பு ஒருபோதும் இருந்தது இல்லை. எந்த மொழியாவது திணிக்கப்பட்டால் தமிழ்நாடு போராட்டக் களம் காணாமல் இருந்தது கிடையாது.

தேசிய கல்விக் கொள்கை வழியாக மும்மொழித் திட்டம் என்ற பெயரில் ஹிந்தியைத் திணிக்கும் மத்திய பாஜக அரசின் சதியை உணர்ந்துதான் ஒட்டுமொத்த தமிழ்நாடும் அதை எதிர்க்கிறது.

தமிழ்நாட்டின் இருமொழி கொள்கையால் தென்னிந்திய மொழிகளைப் படிக்கிற வாய்ப்பு தமிழ்நாட்டு இளைஞர்களுக்கு கிடைக்கவில்லை எனக் கூறுகிறார் ஆளுநர்.