மொழி உணர்வு குறித்து தமிழர்களுக்கு பாடம் எடுக்க வேண்டாம்

ஆளுநருக்கு அமைச்சர் ரகுபதி பதில்

- 

சென்னை, பிப். 28: 'மொழித் தேர்வு எது?, மொழித் திணிப்பு எது என்பது எங்களுக்குத் தெரியும், மொழி உணர்வு பற்றி தமிழர்களுக்கு ஆளுநர் பாடம் எடுக்க வேண்டாம் என சட்டத் துறை அமைச்சர் எஸ்.ரகுபதி கண்டனம் தெரிவித்துள்ளார்.

தென்மாவட்டங்களில் சுற்றுப்பயணம் மேற்கொண்டுள்ள ஆளுநர் ஆர்.என்.ரவி, கல்வி, தொழில், மருத்துவம் உள்ளிட்ட பல்வேறு துறை பிரதிநிதிகளைத் தான் சந்தித்தது குறித்தும், ஏராளமான வளங்கள் இருந்தாலும், தமிழ்நாடு பின்தங்கிய பகுதியாக இருப்பது போன்று உள்ளதாகவும் தனது எக்ஸ்பதிவில் குறிப்பிட்டிருந்தார்.

இளைஞர்களிடையே போதைப்பொருள் பழக்கம் அதிகரித்திருப்பது கவலை அளிக்கிறது. தேசிய கல்விக் கொள்கையை அமல்படுத்துவதற்கான மிகப்பெரிய தேவை உள்ளது. ஹிந்தி எதிர்ப்பு என்கிற பெயரில் பிற தென்னிந்திய மொழிகளைக்கூட கற்க அனுமதிக்கப்படவில்லை என இளைஞர்கள் நினைக்கின்றனர் எனவும் ஆளுநர் தெரிவித்திருந்தார்.