மீனவர்களின் பொதுச் சொத்துகளை வரைவு திட்டத்தில் முழுமையாக சேர்க்க வலியுறுத்தல்

கடலோர ஒழுங்குமுறை மண்டல வரைவுத் திட்டத்தில், மீனவர்களின் பொதுச் சொத்துகளை முழுமையாகப் பதிவு செய்ய வேண்டும் என்று தமிழ் மீனவர் விடுதலை வேங்கைகளும், மார்க்சிஸ்ட் கம்யூனிஸ்ட் கட்சியும் இணைந்து நடத்திய கலந்துரையாடல் மற்றும் கையேடு வெளியீட்டு விழாவில் வலியுறுத்தப்பட்டது.

- 

புதுச்சேரி, ஜூலை 18:

புதுவை தமிழ்ச் சங்கத்தில் வெள்ளிக்கிழமை நடைபெற்ற நிகழ்வில் இது குறித்து தமிழ் மீனவர் விடுதலை வேங்கைகளின் நிறுவனத் தலைவர் இரா. மங்கையர்செல்வன் பேசியது:

கடலோரத்தில் மீனவர்கள் படகு நிறுத்தும் இடம், மீன் உலர்த்தும் இடம், வலைகள் உலர்த்தும் இடம், கிராமத்தின் குடியிருப்பு பகுதிகள், கோயில், பள்ளிக் கூடம், மருத்துவ மனை, சுடுகாடு, கிராமச் சாலைகள் போன்றவற்றை கடலோர ஒழுங்குமுறை மண்டல வரைவுத் திட்டத்தில் பதிவு செய்ய வேண்டும். அதிகாரிகள் பங்கேற்புடன் கடலில் மீனவர்கள் மீன்பிடிக்கும் கடல் மைல் தூரம் உள்ளிட்ட மீன்பிடிக்கும் இடம் தொடர்பான தரவுகளைக் கொடுத்தோம்.