லார்ட்ஸ் டெஸ்டில் இங்கிலாந்து வெற்றி

இந்தியாவுக்கு எதிரான 3-ஆவது டெஸ்டில் இங்கிலாந்து 22 ரன்கள் வித்தியாசத்தில் திங்கள்கிழமை வெற்றி பெற்றது.

- 

லண்டன், ஜூலை 14: 5 ஆட்டங்கள் கொண்ட இந்தத் தொடரில் அந்த அணி 2-1 என முன்னிலை பெற்றுள்ளது.

193 ரன்கள் என்ற எளிதான வெற்றி இலக்கை நோக்கி விளையாடிய இந்திய அணி, 81 ரன்களுக்கே 6 விக்கெட்டுகளை இழந்து சரிவை சந்தித்தது. ஆனால் 7-ஆவது பேட்டராக வந்த ரவீந்திர ஜடேஜா மிக நிதானமான ஆட்டத்தை வெளிப்படுத்தி அணியை முன்னேற்றத் தொடங்கினார்.

அவர் அரைசதம் கடந்து இறுதிவரை நிலைத்தபோதும், தகுந்த பார்ட்னர்ஷிப் அமையவிடாமல் இதர வீரர்களை இங்கிலாந்து பௌலர்கள் சரிக்க, இந்தியாவின் இன்னிங்ஸ் 170 ரன்களுக்கே முடிவுக்கு வந்தது. இந்திய பேட்டிங் வரிசையை ஜோஃப்ரா ஆர்ச்சர், பென் ஸ்டோக்ஸ் சரித்தனர்.