உயிரிழந்த மாணவர்களின் குடும்பத்துக்கு தலா ரூ.5 லட்சம் முதல்வர் நிவாரண நிதி

கடலூர் அருகே தனியார் பள்ளி வேன் மீது ரயில் மோதிய விபத்தில் உயிரிழந்த மாணவர்களின் குடும்பத்தினரிடம் தமிழக முதல்வரின் பொது நிவாரண நிதி ரூ.5 லட்சத்துக்கான காசோலையை மாநில வேளாண்மை மற்றும் உழவர் நலத் துறை அமைச்சர் எம்.ஆர்.கே.பன்னீர்செல்வம், தொழிலாளர் நலன் மற்றும் திறன் மேம்பாட்டுத் துறை அமைச்சர் சி.வெ.கணேசன் ஆகியோர் வழங்கினர்.

- 

நெய்வேலி, ஜூலை 8:

முன்னதாக, அவர்கள் மருத்துவமனையில் சிகிச்சை பெற்று வருபவர்களை நேரில் சந்தித்து நலம் விசாரித்தனர்.

தொடர்ந்து, விபத்தில் உயிரிழந்த சுப்பிரமணியபுரத்தைச் சேர்ந்த அக்காள், தம்பியான மாணவர்கள் சாருமதி, செழியன் வீட்டுக்கு நேரில் சென்று அவர்களது உடலுக்கு மலர் வளையம் வைத்து அஞ்சலி செலுத்தினர்.

பின்னர், முதல்வர் பொது நிவாரண நிதியிலிருந்து 2 மாணவர்களுக்கும் தலா ரூ.5 லட்சத்துக்கான காசோலையை பெற்றோரிடம் வழங்கி ஆறுதல் கூறினர்.