தலாய் லாமா பிறந்த நாள்: பிரதமர் மோடி, உலகத் தலைவர்கள் வாழ்த்து

புத்த மதத் தலைவர் தலாய் லாமா தனது 90ஆவது பிறந்த நாளை ஞாயிற்றுக்கிழமை கொண்டாடினார். அவருக்கு பிரதமர் மோடி மற்றும் உலகத் தலைவர்கள் வாழ்த்து தெரிவித்துள்ளனர்.

- 

தர்மசாலா, ஜூலை 6:

திபெத்தைச் சேர்ந்த புத்த மதத் தலைவரான தலாய் லாமா பல ஆண்டுகளுக்கு முன்பு இந்தியாவில் தஞ்சம்புகுந்தார். ஹிமாசல பிரதேச மாநிலம், தர்மசாலாவில் அவர் தங்கியுள்ளார். இந்நிலையில், அவர் தனது 90ஆவது பிறந்த நாளை ஞாயிற்றுக்கிழமை கொண்டாடினார். இதை யொட்டி தர்மசாலாவில் உள்ள சுக்லாக்காங் மடாலயத்தில் ஆயிரக்கணக்கானோர் திரண்டனர்.

கொட்டும் மழையையும் பொருட்படுத்தாமல் அவர்கள் தலாய் லாமாவின் பிறந்த நாள் கொண்டாட்டத்தில் பங்கேற்றனர்.

இக்கொண்டாட்டத்தில் திபெத்தைச் சேர்ந்த பல்வேறு புத்த மதப் பிரிவுகளைச் சேர்ந்த பிரதிநிதிகள், பள்ளிக் குழந்தைகள், பல்வேறு நாடுகளைச் சேர்ந்த பாடகர்கள், நடனக் கலைஞர்கள் மற்றும் உலகெங்கிலும் இருந்து புத்த மதத்தினர் உள்ளிட்டோர் கலந்துகொண்டனர்.