எடப்பாடி பழனிசாமி வருகை: அதிமுக நிர்வாகிகள் ஆலோசனை

மக்களைக் காப்போம் தமிழகத்தை மீட்போம் என்ற முழக்கத்தோடு சுற்றுப்பயணமாக கடலூர் மாவட்டத்துக்கு அதிமுக பொதுச் செயலர் எடப்பாடி கே. பழனிசாமி வரவுள்ளதையொட்டி, அக்கட்சி நிர்வாகிகள் ஆலோசனைக் கூட்டம் சிதம்பரத்தில் சனிக்கிழமை மாலை நடைபெற்றது.

- 

சிதம்பரம், ஜூலை 6:

கூட்டத்துக்கு மாவட்ட அவைத் தலைவர் எம்.எஸ்.என். குமார் தலைமை வகித்தார். முன்னாள் அமைச்சரும், அதிமுக மீனவர் பிரிவு இணைச் செயலருமான கே.ஏ.ஜெயபால், அமைப்புச் செயலர் என்.முருகுமாறன், முன்னாள் அமைச்சர் செல்வி இராமஜெயம், மாவட்ட எம்.ஜி.ஆர். மன்றச் செயலர் வி.கே.மாரிமுத்து, மாவட்ட ஜெயலலிதா பேரவைச் செயலர் கானூர் கோ.பாலசுந்தரம், மாவட்ட பொருளாளர் தோப்பு கே.சுந்தர் ஆகியோர் முன்னிலை வகித்தனர். சிதம்பரம் நகரச் செயலர் ஆர்.செந்தில்குமார் வரவேற்றார்.