இன்னும் 40 ஆண்டுகள் நலமுடன் இருப்பேன்

தலாய் லாமா

- 

தர்மசாலா, ஜூலை 5: 'இன்னும் 30-40 ஆண்டுகள் நான் நலமுடன் இருப்பேன் என நம்புகிறேன்' என்று 14-ஆவது தலாய் லாமா சனிக்கிழமை தெரிவித்தார்.

தன்னுடைய மறைவுக்குப் பிறகும் தலாய் லாமா மரபு தொடரும் எனவும் அடுத்த தலாய் லாமாவை காடேன் போட்ராங் அறக்கட்டளை தேர்வு செய்யும் எனவும் 14-ஆவது தலாய் லாமா அண்மையில் கூறியிருந்தார். ஆனால் இதற்கு எதிர்ப்பு தெரிவித்த சீனா அடுத்த தலாய் லாமா வாரிசு தங்களிடம் அங்கீகாரம் பெற வேண்டும் எனத் தெரிவித்தது. இதனால் அடுத்த தலாய் லாமா தேர்வு தொடர்பாக எழுந்த பல்வேறு சர்ச்சைகளுக்கு முற்றுப்புள்ளி வைக்கும் விதமாக அவர் இவ்வாறு தெரிவித்தார்.