கர்நாடகத்தில் புலிகள் மர்ம இறப்பு விவகாரம்: 3 பேர் கைது

சாமராஜ்நகர் மாவட்டத்தின் மலைமாதேஸ்வரா காட்டுப் பகுதியில் புலி மற்றும் அதன் 4 குட்டிகள் மர்மமான முறையில் உயிரிழந்தது தொடர்பாக 3 பேரை போலீஸார் கைது செய்துள்ளனர்.

- 

சாமராஜ்நகர், ஜூன் 28: சாமராஜ்நகர் மாவட்டத்தின் மலைமாதேஸ்வரா காட்டுப் பகுதியில் புலி மற்றும் அதன் 4 குட்டிகள் மர்மமான முறையில் உயிரிழந்தது தொடர்பாக 3 பேரை போலீஸார் கைது செய்துள்ளனர். இந்நிலையில் மற்றொரு புலி வியாழக்கிழமை உயிரிழந்தது தெரியவந்துள்ளது.

சாமராஜ்நகர் மாவட்டத்தின் மலைமாதேஸ்வரா மலையின் ஹக்கிம் காட்டுப் பகுதியில் ஜூன் 26-ஆம் தேதி தாய்ப்புலி மற்றும் அதன் 4 குட்டிகள் மர்மமான முறையில் இறந்துகிடந்ததை ரோந்துப் பணியின்போது வனத் துறையினர் கண்டுபிடித்தனர். இந்த விவகாரம் தொடர்பாக உயர்நிலை விசாரணைக்கு கர்நாடக அரசு உத்தரவிட்டது.