மும்மொழிக் கொள்கையை ஏற்க முடியாது

என்சிஇஆர்டி கூட்டத்தில் தமிழக அரசு கருத்து

- நமது சிறப்பு நிருபர்

நமது சிறப்பு நிருபர் புது தில்லி, மே 3: மும்மொழிக் கொள்கையை எதிர்ப்பதாக தமிழக அரசு சார்பில் மீண்டும் மத்திய அரசிடம் தெரிவிக்கப்பட்டது.

தேசிய கல்வியியல் ஆராய்ச்சி மற்றும் பயிற்சி கவுன்சில் (என்சிஇஆர்டி) கூட்டத்தில் வெள்ளிக்கிழமை பங்கேற்று தமிழக அரசு சார்பில் இதை வலியுறுத்தி பேசப்பட்டது. மத்திய கல்வித்துறை வட்டாரங்கள் தெரிவித்தன.

என்சிஇஆர்டியின் 59-ஆவது பொது கவுன்சில் கூட்டம் தில்லியில் என்டிஎம்சி மாநாட்டு அரங்கில், மத்திய கல்வி அமைச்சர் தர்மேந்திர பிரதான் தலைமையில் நடைபெற்றது.

மத்திய கல்வி மற்றும் திறன் மேம்பாடு, தொழில்முனைவு (தனிப்பொறுப்பு) இணையமைச்சர் ஜெயந்த் சௌத்ரி, மாநில மற்றும் யூனியன் பிரதேச கல்வித்துறை அமைச்சர்கள், மத்திய கல்வித்துறைச் செயலர் சஞ்சய் குமார், என்சிஇஆர்டி இயக்குநர் பேராசியர் தினேஷ் பிரசாத் சாக்லானி, மாநில கல்வித்துறை அதிகாரிகள் உள்ளிட்டோர் நேரடியாகப் பங்கேற்றனர்.