ஜம்மு-காஷ்மீர் தாக்குதல்: உலகத் தலைவர்கள் கண்டனம்

ஜம்மு-காஷ்மீரில் பயங்கரவாதிகள் தாக்குதலில் 26 பேர் கொல்லப்பட்ட சம்பவத்துக்கு உலக நாடுகளின் தலைவர்கள் கண்டனம் தெரிவித்தனர்.

- 

இஸ்லாமாபாத், ஏப்.23: ஜம்மு-காஷ்மீரில் பயங்கரவாதிகள் தாக்குதலில் 26 பேர் கொல்லப்பட்ட சம்பவத்துக்கு உலக நாடுகளின் தலைவர்கள் கண்டனம் தெரிவித்தனர்.

ஜம்மு-காஷ்மீரின் அனந்தநாக் மாவட்டம் பஹல்காம் பகுதியில், சுற்றுலாப் பயணிகள் மீது 'தி ரெசிஸ்டன்ஸ் ஃபிரண்ட்' அமைப்பைச் சேர்ந்த பயங்கரவாதிகள் செவ்வாய்க்கிழமை நடத்திய துப்பாக்கிச் சூட்டில் 26 பேர் உயிரிழந்தனர். 20 பேர் காயமடைந்தனர்.

இந்தத் தாக்குதலுக்கு உலக நாடுகளின் தலைவர்கள் 'எக்ஸ்' தளத்தில் கண்டனம் தெரிவித்தனர். பிரிட்டன் பிரதமர் கியெர் ஸ்டார்மர் வெளியிட்ட பதிவில், 'காஷ்மீரில் நடத்தப்பட்ட கொடூரமான பயங்கரவாதத் தாக்குதல் மிகுந்த அதிர்ச்சியை ஏற்படுத்தியுள்ளது' என்றார்.