பாரதியின் புதிய சிந்தனை!

பாரதிக்கு முன்னர் கண்ணனை நாயகியாகப் பாடியவர் எவரும் இலர். ஆனால் பாரதியோ, 'கண்ணம்மா என் காதலி' என்று பாடிப் புதுமை செய்தான்.

- முனைவர் ம.பெ. சீனிவாசன்

பாரதிக்கு முன்னர் கண்ணனை நாயகியாகப் பாடியவர் எவரும் இலர். ஆனால் பாரதியோ, 'கண்ணம்மா என் காதலி' என்று பாடிப் புதுமை செய்தான். 'சுட்டும் விழிச் சுடர்தான் கண்ணம்மா' என்னும் கீர்த்தனை தொடங்கி 'கண்ணம்மா என் காதலி' என்னும் தலைப்பில் பாரதி பாடிய கீர்த்தனைகள் ஆறு.

இறைவன் ஒருவனே ஆடவன்; அதாவது புருஷோத்தமன்; உயிர்கள் (ஜீவாத்மாக்கள்) யாவும் அவனுக்கு நாயகி நிலையில் உள்ளவையே என்னும் சமயக் கருத்தை மாற்றி விடுகிறான் பாரதி. ஆழ்வார்கள் யாரும் இப்படி மாற்றிப் பாடவில்லை.

எனவே, பாரதி பாட்டில் இஃதொரு 'புதுமை' எனக் கருதுகிறோம். ஆழ்வார்கள் இறைவனை நாயகி நிலையில் வைத்துப் பாடவில்லை என்றாலும், அவனைத் தாய், தந்தை முதலான எல்லா உறவு நிலைகளுக்கும் உரியவனாக்கியிருக்கின்றனர்.

திருவாய்மொழிப் பாசுரம் ஒன்று பின்வருமாறு பேசுகிறது.