ஆரவல்லி மலைத் தொடர்: புதிய விளக்கத்துக்கு உச்சநீதிமன்றம் இடைக்காலத் தடை

ஆரவல்லி மலை மற்றும் மலைத் தொடர் விளக்கம் தொடர்பாக நவம்பர் 20-ஆம் தேதி தாங்கள் வெளியிட்ட உத்தரவுக்கு உச்சநீதிமன்றம் திங்கள்கிழமை இடைக்காலத் தடை விதித்தது.

- 

மேலும், சுற்றுச்சூழல் நிபுணர்களைக் கொண்ட புதிய குழுவை அமைத்து இந்த விவகாரத்தில் விரிவான ஆய்வு மேற்கொண்டு அறிக்கை சமர்ப்பிக்க உச்சநீதிமன்றம் உத்தரவிட்டது.

இயற்கை எழில்மிகு நீண்ட பாரம்பரியத்தைக் கொண்ட ஆரவல்லி மலைத் தொடர் குஜராத், ராஜஸ்தான், ஹரியாணா ஆகிய மாநிலங்களிலும், தில்லி யூனியன் பிரதேசத்திலும் பரவியுள்ளது.

இந்நிலையில், உள்ளூர் நிலப்பரப்பில் குறைந்தபட்சம் 100 மீட்டருக்கு மேற்பட்ட உயரத்தை உடைய மலை 'ஆரவல்லி மலை' என்றும், 500 மீட்டருக்கு இடைப்பட்ட இரண்டு அல்லது இரண்டுக்கும் அதிகமான, 100 மீட்டர் உயர மலைகளை ‘ஆரவல்லி மலைத் தொடர்’ என்றும் மத்திய சுற்றுச்சூழல் அமைச்சகம் அளித்த நிபுணர் குழு புதிய விளக்கத்தை உச்சநீதிமன்றத்தில் சமர்ப்பித்தது.

இந்த விளக்கத்தை ஏற்றுக்கொண்டு கடந்த மாதம் 20-ஆம் தேதி உச்சநீதிமன்றம் உத்தரவு பிறப்பித்தது.