காப்பீட்டுத் திருத்த மசோதா குளிர்காலக் கூட்டத்தொடரில் தாக்கல்

காப்பீட்டுத் துறையில் 100 சதவீதம் அந்நிய நேரடி முதலீட்டை அனுமதிக்கும் வகையிலான திருத்த மசோதா வரும் குளிர்காலக் கூட்டத்தொடரின்போது நாடாளுமன்றத்தில் அறிமுகப்படுத்தப்படும் என நிதியமைச்சர் நிர்மலா சீதாராமன் தெரிவித்தார்.

- 

புது தில்லி, செப். 14:

காப்பீட்டுத் துறையில் தற்போது அந்நிய நேரடி முதலீட்டுக் கான (எஃப்.டி.ஐ) வரம்பு 74 சதவீதமாக உள்ள நிலையில், அதை 100 சதவீதமாக உயர்த்தவுள்ளதாக நிகழ் ஆண்டு பட்ஜெட் உரையில் நிர்மலா சீதாராமன் தெரிவித்தார்.

நிதித் துறையில் மேற்கொள்ளப்படவுள்ள புதிய சீர்திருத்தங்களின் ஒரு பகுதியாக இதை அவர் முன்மொழிந்தார்.