தாய்ப்பால் தானம் அவசியம்...

பெண்மைக்குப் பெருமை சேர்ப்பது மகப்பேறு. அதைக் காட்டிலும் குழந்தைக்குக் கொடுக்கும் தாய்ப்பால் மாண்புமிக்கது.

- தமிழானவன், படங்கள்: கி. ரமேஷ்

எத்தனையோ வங்கிகள் இருந்தாலும், மனித உணர்வைக் காக்கும் வங்கியாகத் தாய்ப்பால் வங்கி திகழ்கிறது.

புதுச்சேரி ஜிப்மர் மருத்துவக் கல்லூரி மருத்துவமனையில் பிரசவிக்கும் குழந்தைகள் குறைமாதத்தில் பிறந்துவிட்டால், பச்சிளங்குழந்தை நலத் துறையானது சேயைப் பாதுகாத்து வங்கியில் இருக்கும் சுத்திகரிக்கப்பட்ட தாய்ப்பாலைக் கொடுத்து ஆரோக்கியமிக்கக் குழந்தையாக மாற்றி அனுப்பி வைக்கிறது.

பத்தாவது ஆண்டில் காலடி எடுத்து வைத்திருக்கும் இந்தத் தாய்ப்பால் வங்கி குறித்து பச்சிளங்குழந்தை நலத்துறை பேராசிரியர் மருத்துவர் பி. ஆதிசிவத்துடன் ஒரு சந்திப்பு:

தாய்ப்பால் வங்கி அவசியமா?

தாய்ப்பால் வங்கி அவசியம்தான். தாய்ப்பாலுக்கு மாற்றாக மாட்டுப் பால், புட்டிப் பால், பௌடர் பால் என்று குழந்தைகளுக்குக் கொடுக்கின்றனர். இதனால் குழந்தைகளுக்குக் காதில் சீழ், நெஞ்சில் நிமோனியா பாதிப்பு, வயிற்றுப் போக்கு ஏற்படுகிறது. தாய்ப்பால் வங்கி குழந்தைகளுக்குத் தற்காலிக நிவாரணமாக இருக்கிறது.

தாய்ப்பால் கொடுப்பதால் அழகு குறைவதில்லை. தாய்ப்பால் கொடுப்பதால் பெண்களுக்குத் தேவையற்ற கொழுப்புகள் குறையும். அழகு கூடும். மார்ப்பகப் புற்றுநோய் வராமல் தடுக்கும். தாய்ப்பால் கொடுக்கும் பெண்மணிகளுக்கு 'ஆக்சிடாசின்' என்ற ஹார்மேன் சுரக்கிறது. இது மனநலம், உடல் ஆரோக்கியத்தைச் சிறப்பாக வைத்து, பெண்மையை உயர்த்துகிறது.

சிசுக்களுக்கு எந்த வகையில் தாய்ப்பால் உதவுகிறது?