கேரளம் உள்ளிட்ட பேரிடர் பாதித்த 6 மாநிலங்களுக்கு ரூ.1,066 கோடி: மத்திய அரசு ஒப்புதல்

வெள்ளப்பெருக்கு, நிலச்சரிவு உள்ளிட்ட இயற்கைப் பேரிடர்களால் பாதிக்கப்பட்ட அஸ்ஸாம், மணிப்பூர், மேகாலயா, மிசோரம், கேரளம், உத்தரகண்ட் மாநிலங்களுக்கு மாநில பேரிடர் மீட்பு நிதியின் (எஸ்டிஆர்எஃப்) மத்திய அரசின் பங்காக ரூ. 1,066.80 கோடியை விடுவிக்க மத்திய அரசு ஒப்புதல் அளித்துள்ளது.

- 

புது தில்லி, ஜூலை 11:

இத் தகவலை மத்திய உள்துறை அமைச்சர் அமித் ஷா தனது எக்ஸ் பக்கத்தில் வியாழக்கிழமை வெளியிட்ட பதிவு மூலம் வெளியிட்டார். நிதியுதவி மட்டுமின்றி, பாதிக்கப்பட்ட பகுதிகளுக்கு தேவையான போக்குவரத்து உதவிகள் மற்றும் மீட்புப் பணிகளில் தேசிய பேரிடர் மீட்புப் படை, ராணுவம், விமானப்படையையும் தேவையின் அடிப்படையில் மத்திய அரசு ஈடுபடுத்தியுள்ளது என்றும் தனது பதிவில் அவர் குறிப்பிட்டார்.