உயர்மட்ட மேம்பால கட்டுமானப் பணி மாநகரில் இன்றுமுதல் இரவில் போக்குவரத்து மாற்றம்

கோவை அவிநாசி சாலையில் உயர்மட்ட மேம்பால கட்டுமானப் பணி காரணமாக ஜூலை 9 முதல் 13-ஆம் தேதி வரை இரவில் போக்குவரத்து மாற்றம் செய்யப்படுவதாகத் தெரிவிக்கப்பட்டுள்ளது.

- 

கோவை, ஜூலை 8:

இது குறித்து மாநகர போக்குவரத்து காவல் துறை சார்பில் வெளியிடப்பட்டுள்ள செய்திக் குறிப்பு:

கோவை அவிநாசி சாலையில் உப்பிலிபாளையம் முதல் கோல்டுவின்ஸ் வரை 12 கிலோ மீட்டர் தொலைவுக்கு உயர்மட்ட மேம்பால கட்டுமானப் பணி தொடங்கப்பட்டு தற்போது முடிவடையும் தருவாயில் உள்ளது. இறுதிக் கட்டமாக ஹோப் காலேஜ் பகுதியில் ரயில்வே பாலத்தின் மேல் இரும்பு மேல்தளம் அமைத்து மேம்பாலத்தை இணைக்கும் பணி நடைபெறவுள்ளதால் ஜூலை 9 (புதன்கிழமை) இரவு முதல் ஜூலை 13 (ஞாயிற்றுக்கிழமை) இரவு வரை (தினமும் இரவு 11 மணி முதல் காலை 6 மணி வரை) பயனீர் மில் சந்திப்பு முதல் கோவை மருத்துவக் கல்லூரி வரை இருபுறமும் அனைத்து வாகனங்களும் செல்லத் தடை விதிக்கப்படுகிறது.