இரண்டு வாரங்களுக்குள் வெளியிட உத்தரவு

அரசு ஒப்பந்ததாரர்களுக்கான கட்டுமானப் பொருள்களின் விலைப் பட்டியலை இரண்டு வாரங்களுக்குள் வெளியிட சென்னை உயர்நீதிமன்ற மதுரை அமர்வு வியாழக்கிழமை உத்தரவிட்டது.

- 

மதுரை, ஜூன் 26:

புதுக்கோட்டை மாவட்டம், ராஜகோபாலபுரம் பகுதியைச் சேர்ந்த சுப்புராம் சென்னை உயர்நீதிமன்ற மதுரை அமர்வில் தாக்கல் செய்த மனு:

அரசு நெடுஞ்சாலைத் துறைக்கு சாலைகள் அமைத்துத் தருவது, கட்டடங்கள் கட்டித் தருவதற்கு நான் ஒப்பந்ததாரராக உள்ளேன். தற்போது, தமிழகத்தில் கட்டுமானப் பொருள்களின் விலை அதிகரித்துள்ளது.

ஒரு மாநிலத்தின் வளர்ச்சிக்கு கட்டுமானத் துறையும் முக்கியப் பங்கு வகிக்கிறது. இதில் நேரடியாகவும், மறைமுகமாகவும் லட்சக்கணக்கான தொழிலாளர்கள் பணியாற்றி வருகின்றனர்.