கட்டாயக் கல்வி உரிமைச் சட்ட நிதி பங்கை விடுவிக்கக் கோரி மத்திய அமைச்சருக்கு கடிதம்

சென்னை உயர்நீதிமன்ற தீர்ப்பின்படி, கட்டாயக் கல்வி உரிமைச் சட்டத்துக்கான நிதியில் மத்திய அரசின் பங்கை விரைந்து விடுவிக்க வேண்டும் என மறுமலர்ச்சி மக்கள் இயக்கத் தலைவர் வே.ஈசுவரன் வேண்டுகோள் விடுத்தார்.

- 

கோவை, ஜூன் 16:

கோவை சுந்தராபுரம் செங்கப்பகோனார் வீதியைச் சேர்ந்த ஈசுவரன், மத்திய கல்வி அமைச்சர் தர்மேந்திர பிரதானுக்கு எழுதிய கடிதத்தில் கூறியிருப்பதாவது:

தமிழ்நாடு முழுவதும் கட்டாயக் கல்வி உரிமைச் சட்ட இடஒதுக்கீட்டு சேர்க்கை அடிப்படையில் இதுவரை ஒன்று முதல் எட்டாம் வகுப்பு வரை 3,08,104 மாணவர்கள் கல்வி பயின்று வருகின்றனர். இவர்களுக்கான செலவில் 60 சதவீதத்தை மத்திய அரசும், 40 சதவீதத்தை மாநில அரசும் தருகிறது.