ஊழலில் திளைக்கிறது திமுக ஆட்சி

தமிழகத்தில் ஊழலில் திளைக்கிறது திமுக ஆட்சி என்று மத்திய உள்துறை அமைச்சர் அமித் ஷா குற்றஞ்சாட்டினார்.

- 

மதுரை, ஜூன் 8: மேலும், திமுகவை பேரவைத் தேர்தலில் தமிழக மக்கள் தோற்கடிக்கச் செய்வது உறுதி என்றும் அவர் தெரிவித்தார்.

மதுரையில் ஞாயிற்றுக்கிழமை நடைபெற்ற பாஜக மாநில, மாவட்ட, மண்டல நிர்வாகிகள் கூட்டத்தில் அமித் ஷா பேசியதாவது: மதுரை மாநகரம் மூவாயிரம் ஆண்டுகள் பழைமையான வரலாற்றைக் கொண்ட புனித இடம். பல மாற்றங்களுக்கு வித்திட்ட இடம். அந்த வகையில், மதுரையில் வரும் 22-ஆம் தேதி நடைபெறவுள்ள முருக பக்தர்கள் மாநாடும், பாஜகவின் இந்தக் கூட்டமும் தமிழகத்தில் மாற்றத்துக்கு வித்திடும்; திமுக ஆட்சியை முடிவுக்குக் கொண்டு வரும்.