மனக்குறை நீக்கும் மச்சபுரி...

உலகைக் காக்க, தீயவற்றை அழிக்க விஷ்ணு பல அவதாரங்களை எடுத்தார். அவற்றில் குறிப்பிடப்படும் தசாவதாரங்களில் முதன்மையானது மச்சாவதாரம்.

- -இரா. இரகுநாதன்

படைப்பு அசதியில் பிரம்மா அயர்ந்தபோது, அவர் வாயிலிருந்து தாமே வெளிவந்த வேதங்களை ஹயக்கிரீவன் என்ற அசுரன் திருடிச் சென்றார். மறைக்கப்பட்ட வேதங்களை மீட்க, விஷ்ணு மீனாக அவதரித்தார். கிருதமாலா நதிக்கரையில் மன்னர் சத்யவிரதன் வழிபட கையில் எடுத்த நீரில் மீன் குஞ்சு இருந்தது. அந்த மீன் தன்னை தண்ணீரில் விட வேண்டாம் என வேண்ட, அவர் தனது கமண்டலத்துக்குள் போட்டு எடுத்துச் சென்றார். அன்றிரவு அந்த மீன் வளர, சத்யவிரதனோ வேறு பாத்திரத்தில் போட்டார். அங்கும் வளர்ந்தது. வெவ்வேறு நீர்நிலைகளில் விடும்போதும் மீன் வளர, இறுதியில் கடலில் கொண்டுவிட்டார் சத்யவிரதன். அப்போது மீனோ, "பெரிய உயிரினங்கள் வாழும் இங்கு என்னை விட்டு போகாதே" என்று அலறியது. அப்போது விஷ்ணுவே மீனாக வந்ததை உணர்ந்த சத்யவிரதன் அதற்கான காரணம் கேட்டார்.