காஷ்மீருக்கு மீண்டும் சுற்றுலாப் பயணிகளை ஈர்க்க அரசு முயற்சி

மத்திய அமைச்சர் உறுதி

- 

ஸ்ரீநகர், மே 15: காஷ்மீருக்கு மீண்டும் சுற்றுலாப் பயணிகளை ஈர்க்க மத்திய அரசு தொடர்ந்து தீவிர முயற்சிகளை மேற்கொள்ளும் என்று மத்திய விமானப் போக்குவரத்துத் துறை அமைச்சர் கே.ராம் மோகன் நாயுடு தெரிவித்தார்.

கடந்த மாதம் காஷ்மீரின் பஹல்ஹாமில் சுற்றுலாப் பயணிகள் 26 பேரை பாகிஸ்தான் பயங்கரவாதிகள் சுட்டுக் கொன்றதை அடுத்து, அங்கு சுற்றுலாப் பயணிகள் வருகை முற்றிலும் நின்றுவிட்டது. அந்த மாநில மக்களின் முக்கிய வருவாய் ஆதாரங்களில் ஒன்றாக சுற்றுலா இருந்து வந்த நிலையில், பலர் பொருளாதார ரீதியாக பாதிக்கப்பட்டுள்ளனர்.